နှလုံးသားတစ်ခြမ်း အခိုးခံလိုက်ရတဲ့ မနက်
>> Sunday, March 8, 2009
စံပယ်တွေ အသစ်ပွင့်တဲ့နေ့က
ကံဆိုးခြင်းနှစ်ဆနဲ့ အချစ်က ရောက်လာတယ်
အမှောင်တံတိုင်းတွေ အထပ်ထပ်ကာရံလို့
ဝေးကွာခြင်းမှာလည်း စိတ်ဓာတ်တွေ ပျက်လို့
‘နိဒါန်းမှာ ပြိုကွဲ’ ခဲ့တဲ့ အပိုင်းအစတွေက အခု ဆူးတယ်
ရူးသွပ်ခြင်း တစ်ဝက်၊ ဆင်ခြင်တုန် တစ်ဝက် ရောလိုက်တော့
အချစ်က သုံးမရအောင် ညစ်ပေကုန်တာပဲ
နိဒါန်းရဲ့ တစ်ဝက်မှာ
ညီမလေးရေ … အချစ်ဆိုတဲ့ ကောင်ကြီးက
ဘ၀ကို အံစာခေါက်သလို ခေါက်တာဟ
အခုကို ငါ့မှာ လိမ့်ပိန့်လို့
ဘာဂဏန်းကျရမှန်းလဲ မသိသေးဘူး
မနီးနိုင်သေးတော့လည်း ဝေးပေါ့ကွာ
ခဏလေးဆိုပေမယ့်
ဒီမှာက တစ်တောလုံး အလွမ်းတွေ ပွင့်ခဲ့
သီချင်းတစ်ပုဒ်လို မချိုတဲ့ မနက်ပါ
စံပယ်တွေ ခါးတယ်
တစ်နွေစာ ပူတယ်
ငါကလည်း အချစ်မှာ ကလေးတစ်ယောက်လို ရူးခဲ့တယ်။ ။
0 comments:
Post a Comment