ကျွန်တော်တို့ချစ်တဲ့ ကဗျာတွေ: January 2010

မေမေ ရေ ...
အရိုင်းအစိုင်းမာယာတွေနဲ့တွေ့တိုင်း ခေါ်နေမိတာ အကြိမ်ကြိမ်ပေါ့
မေမေကတော့
လောကဓံ ဘယ်နှစ်ပါးဖြစ်ဖြစ် ထမ်းထားမှာပဲ ဆိုတဲ့ လူမျိုး
လာမယ့် အန္တရာယ် ရင်ဆိုင်တွေ့ ...
အဲဒီလို... ကျွန်တော့် ထမင်းပန်းကန်လေးကို ဖြည့်ဖြည့်ပေးခဲ့တာ ကြာပေါ့

ဒါပေမယ့်လေ
ကျွန်တော်ဆိုးသမျှက မေမေ့မျက်ရည်
ဒီလိုဆိုတော့လည်း မတရားဘူးနော် မေမေ...
မေမေ့ရင်ထဲကို ဆူးတွေထိုးထိုးသွင်းနေတဲ့ လူဆိုးလေးကျွန်တော်ပါ
မေတ္တာတရားကို တာဝန်မကျေခဲ့တဲ့ လူမိုက်ကျွန်တော်ပါ
အခုမှ နောင်တတွေနဲ့ မျက်ရည်ဝဲ
အဝေးကပဲ ရှိခိုး ဦးချနေရပါပြီ မေမေရယ်

"မေမေရဲ့သားနိုင်တယ်" ဇော်ဝင်းထွဋ်သီချင်းလေး ဆိုချင်တာပေါ့
အခုတော့ မေမေ့ မမြင်ကွယ်ရာမှာ အကြိမ်ကြိမ်ကျရှုံး
ဒါပေမယ့် ဘယ်တော့မှ လက်မမြောက်ခဲ့ပါဘူး
မေမေ့ရင်ထဲ ပျော်ရွှင်ခြင်းတွေပဲ ရွာသွန်းစေဖို့ ကျွန်တော်ကိုယ်တိုင် ရွာမယ့်မိုးပါ မေမေ
ဒီကဗျာလေးနဲ့ စ မယ်နော်။

အိမ်က ထမင်းဝိုင်းလေးလည်း နေရာတွေ လွတ်လို့ လပ်လို့ နေမှာ
တစ်နေ့နေ့ပေါ့ မေမေရယ်
အဲဒီတစ်နေ့နေ့မှာ မိသားစုကောင်းကင်ထဲ အတူတူ ပျံသန်းကြမယ်
ပျော်ရွှင်ခြင်း အတောင်ပံတွေ ဖြန့်လို့ပေါ့။
အဲဒီတစ်နေ့နေ့မှာ ကျွန်တော်ဟာ မေမေ့ရင်ခွင်ထဲမှာ ခိုနားနေတဲ့
သားလိမ္မာလေးဖြစ်နေလိမ့်မယ်
တစ်နေ့နေ့ပေါ့ မေမေရေ...

ဆုတောင်းခြင်းများ
မေမေ့ရဲ့ မေတ္တာဖြင့် ပြည့်ပါစေသား

စိုင်းလောဝ်ပိန်း
ကောင်းကင်များ၏ အတ္ထုပ္ပတ္တိ ၂၀၁၀ မှ

မစခင်ကတည်းက
အလွဲကြီးလွဲပြီး ဇာတ်သိမ်းသွားပါပြီ
ဆိုတော့
ဒီကဗျာကို ဆက်ဖတ်ဖို့ မလိုတော့ပါ။

လမ်းဘေးယဉ်ကျေးမှု
စကားကြီးစကားကျယ်
တယုတယ ထမ်းထားတဲ့ အယူအဆအလွဲ
မင်းကိုသိစေချင်တယ် ညီလေးရေ...
ဆန့်ကျင်တဲ့အတွေးအခေါ်တိုင်း ဖောက်ထွက်တဲ့အတွေးအခေါ် မဟုတ်ဘူး

တစ်ခါတစ်လေ ဘေးဘီကို လှည့်လှည့်ကြည့်ပါဦး
မင်းကတော့ လက်ဖက်ရည်ဆိုင်ထိုင်နိုင်မယ်
ဘီယာဆိုင် ထိုင်နိုင်မယ်
အဲဒါနဲ့ပဲ အယူအဆအလွဲကြီးကို ကောက်မထမ်းလိုက်ပါနဲ့
အချို့ဆို လမ်းဘေးပလက်ဖောင်းပေါ်မှာတောင် မထိုင်နိုင်ဘူး

ငါတို့ ဦးနှောက်တွေ စနစ်တကျ အဖျက်ဆီးခံနေရတာပါ
ငါတို့ အလျင်အမြန် ပြန်တည်ဆောက်ရမယ်
ဒါပေမယ့်
အဆိပ်ခတ်တဲ့လက်ကိုမှ ပြေးနမ်းတဲ့ မင်း
မင်းနဲ့ငါ၊ ငါနဲ့မင်း - လှလှပပကြီး ကွဲကြလေသတည်းပေါ့

မတူညီမှုတွေရှိမှ ညီမျှခြင်းတွေ တန်ဖိုးတက်ခဲ့
ဆန့်ကျင်ဘက်ထဲ ငါတို့တွေကို ကြဲချလိုက်ပေါ့
မစခင်တည်းက လွဲခဲ့ကြတယ်။