အဓိပ္ပါယ်ရှိရှိ သေဖို့အတွက်ကတော့...
ခေါင်းထဲမှာ အမှိုက်တွေ မရှိမှ ကောင်းမယ်..
အတ္တတွေ ၊ မာနသံတွေ ၊ လောဘဒေါသတွေ..
အားလုံးကို ရှင်းပစ်လိုက်ပြန်တော့လည်း..
နေရထိုင်ရတာကိုက ဂွကျပြန်ရော...
သိပ်ခက်မှာတော့မဟုတ်ပါဘူး...
လူပီ သ လာလေ....
အသက်ရှူဖို့ ၀န်လေးလာတာ မဆန်းတော့ပါဘူး....
ငါဟာ ငါ့ရဲ့ ဟာသပါပဲ
လူရွှင်တော်ဒဏ်ရာနဲ့ "မကျေမနပ်ပြတ်လုံး"တွေ ရေရွတ်
တစ်ကိုယ်တော်မှောက်မှားခဲ့တဲ့ မိုးကြိုးညပျက်ပေါင်းများစွာ
ဂျိုကာတစ်ကောင်ရဲ့ငိုပွဲဟာ လူများတွေအမြင်မှာတော့ ရယ်စရာပါပဲ
ငါလည်း ငါ့ကိုယ်ငါ ဝမ်းနည်းပက်လက် ရယ်ပွဲဖွဲ့
အမုန်းကျောက်တုံးတွေ ငါ့လည်ပင်းမှာ အသာအယာချီဆွဲ
ကံတရားမျက်နှာလိုက်မှုကို မယုံမကြည်နဲ့
နာကျင်ခံခက် ဒုက္ခပင်လယ်ထဲ ထိုးဆင်းလိုက်တဲ့အခါ
ငရဲ နဲ့ နိဗ္ဗာန် ကျောခင်းကပ်လျက်
ပရိတ်သတ်ကြီး ရီ(ရယ်)ပါ။
အနည်ထိုင်နေတဲ့ မန်မိုရီတွေ
အမှိုက်တွေ အပြည့်နဲ့ ဟာ့ဒစ်တွေ
ခေတ်ကြီးထဲ
ငါ့ဘန်ဝတ်ကို ဘယ်သူလာလုသွားသလဲ
တစ်နေ့တစ်နေ့ တွက်ချက်မှုနဲ့ ရှင်သန်နေရတဲ့ ပရောစက်ဆာတွေ
ကေဘယ်ပေါင်းစုံပေါ်မှာ ပြေးလွားနေရတဲ့ ဒေတာတွေ
အရေးကြီးလို့ပါ
ငါ့ဘန်ဝတ်ကို လာမလုကြပါနဲ့
လိုက်မမီနိုင်အောင် အသစ်တွေ တဖျတ်ဖျတ်နဲ့ ဝက်(ဘ်)
စွမ်းအင်သိပ်စားတဲ့ ပရိုဂရမ်
လိုအပ်မှုတွေထဲ
ငါ့ဘန်ဝတ်တွေ ဘယ်ပျောက်ကုန်ပြီလဲ
ပေါ်လာတစ်စက္ကန့်
ပျောက်သွား ခဏခဏ
ကြည့်နေတဲ့ ဗီဒီယို ထစ်နေလို့ပါ
ငါ့ဘန်ဝတ်လေး ပြန်ပေးပါ
ဝါယာကြိုးတွေနဲ့ ကမ္ဘာ
ဝါယာကြိုးမဲ့ ကမ္ဘာ
ထိုင်ပဲစောင့်နေရမလား၊ ဟန်မ် နဲ့ ဟော့ လိုပဲ ထပြီးလိုက်ရှာရမလား
ပျောက်နေတဲ့ ဘန်ဝတ်တွေအတွက်...
မနေ့ကအကြောင်း မပြောနဲ့ဆိုတော့
ဒီနေ့အကြောင်း ရေးမယ်
ဒီနေ့က ငါရဲ့ထုံထိုင်းမှုတွေနဲ့
ဒီနေ့က ငါ့ရဲ့ ညောင်းညာမှုတွေနဲ့
အမေ့ဆီ ဖုန်းဆက်တယ်
ခြေသည်းလက်သည်း ညှပ်တယ်
အွန်လိုင်းပေါ်မှာ တစ်နေကုန်တယ်
မပြီးသေးတဲ့စာတွေကို မသိချင်ယောင်ဆောင်တယ်
ကွေးကောက်သွားတဲ့ခြေသည်းတွေလို ငါ့စိတ်နဲ့ငါ ခြေစွယ်ငုတ်တဲ့ ဒီနေ့
လူမှုရေး ညောင်းညာမှုတွေနဲ့ ဒီနေ့
ကိုက်နေတဲ့ မျက်ရိုး၊ ဆာနေတဲ့ဗိုက်၊ ကိုယ်သွေးကို ပြန်စုတ်မိတဲ့ ဂျပိုးလို ဒီနေ့
တံခါးတွေ ဖွင့်ထားသလိုလို ပိတ်ထားသလိုလို မတင်မကျ ဒီနေ့
ကိုယ်ကိုကိုယ် ပြန်မဆက်သွယ်နိုင်
ကိုယ်ဘာသာစကားကိုယ် နားမလည်
ကိုယ့်အော်သံ ကိုယ် မကြား
ကိုယ့်ငရဲမှာ ကိုယ်ပျော်တဲ့ ဒီနေ့ပေါ့
မေမေရေ ဖုန်းကိုင်ပါတော့
ထုံထိုင်းမှုမှာ ကျွန်တော့်အရေပြားတွေ ခြောက်သွေ့ကုန်ပေါ့
ရေခိုးရိုက်နေတဲ့ မှန်တစ်ချပ်လိုပဲ
အနာဂတ်တွေကေ၀၀ါး - ဝေးဝေးမမြင်နိုင်
အချိန်မှန်ပျက်တတ်တဲ့မီးလိုပဲ
ကံဆိုးခြင်းက အချိန်မှန်ထက်စောစောပြီး ရောက်ရောက်လာ - တစ်ခါတစ်လေ တစ်နေကုန်
ဒီလိုနဲ့ ကမ္ဘာကြီးလည်နေပါတယ် - ယုံ။
အုံ့မှိုင်းမှောင်မိုက်တဲ့စိတ်ကောင်းကင်
ငါတို့ဆီမှာ
ပိတ်ထားတဲ့ တံခါးတွေက ခပ်များများ
တွန်းဖွင့်လိုက်ဖို့လက်တွေက နည်းလွန်း
အတ္တတွေ အရိုင်းဆန်လိုက်ပုံများပြောပါတယ်
ကျွန်ဖြစ်လည်း ကျွန်ပါးတော့ ဝ လိုက်ချင်သေးတယ်
ကိုယ် - စိတ်
ဖျားနာခြင်းမှာ မကြာ မကြာ ယဉ်ပါး
ငါတို့က ဒဏ်ရာစုဆောင်းသူ
ငါတို့က ကြမ်းပေါ်ကျကွဲတဲ့ ကြက်ဥပါး
ကြေကွဲစတိုင်း သွေးရဲသားရဲ လှရဲ့
အစာချောင်းနေတဲ့ ကျီးတွေ သိပ်များလွန်းတဲ့ ကမ်းခြေပါ
ငါတို့ရဲ့ သွေးရဲသားရဲတွေ လုံခြုံအောင် ဖွက်ထားလိုက်ကြ
ရာသီဥတုက အခုအချိန်ထိ မကောင်းနိုင်သေးဘူးရယ်။
မေမေ ရေ ...
အရိုင်းအစိုင်းမာယာတွေနဲ့တွေ့တိုင်း ခေါ်နေမိတာ အကြိမ်ကြိမ်ပေါ့
မေမေကတော့
လောကဓံ ဘယ်နှစ်ပါးဖြစ်ဖြစ် ထမ်းထားမှာပဲ ဆိုတဲ့ လူမျိုး
လာမယ့် အန္တရာယ် ရင်ဆိုင်တွေ့ ...
အဲဒီလို... ကျွန်တော့် ထမင်းပန်းကန်လေးကို ဖြည့်ဖြည့်ပေးခဲ့တာ ကြာပေါ့
ဒါပေမယ့်လေ
ကျွန်တော်ဆိုးသမျှက မေမေ့မျက်ရည်
ဒီလိုဆိုတော့လည်း မတရားဘူးနော် မေမေ...
မေမေ့ရင်ထဲကို ဆူးတွေထိုးထိုးသွင်းနေတဲ့ လူဆိုးလေးကျွန်တော်ပါ
မေတ္တာတရားကို တာဝန်မကျေခဲ့တဲ့ လူမိုက်ကျွန်တော်ပါ
အခုမှ နောင်တတွေနဲ့ မျက်ရည်ဝဲ
အဝေးကပဲ ရှိခိုး ဦးချနေရပါပြီ မေမေရယ်
"မေမေရဲ့သားနိုင်တယ်" ဇော်ဝင်းထွဋ်သီချင်းလေး ဆိုချင်တာပေါ့
အခုတော့ မေမေ့ မမြင်ကွယ်ရာမှာ အကြိမ်ကြိမ်ကျရှုံး
ဒါပေမယ့် ဘယ်တော့မှ လက်မမြောက်ခဲ့ပါဘူး
မေမေ့ရင်ထဲ ပျော်ရွှင်ခြင်းတွေပဲ ရွာသွန်းစေဖို့ ကျွန်တော်ကိုယ်တိုင် ရွာမယ့်မိုးပါ မေမေ
ဒီကဗျာလေးနဲ့ စ မယ်နော်။
အိမ်က ထမင်းဝိုင်းလေးလည်း နေရာတွေ လွတ်လို့ လပ်လို့ နေမှာ
တစ်နေ့နေ့ပေါ့ မေမေရယ်
အဲဒီတစ်နေ့နေ့မှာ မိသားစုကောင်းကင်ထဲ အတူတူ ပျံသန်းကြမယ်
ပျော်ရွှင်ခြင်း အတောင်ပံတွေ ဖြန့်လို့ပေါ့။
အဲဒီတစ်နေ့နေ့မှာ ကျွန်တော်ဟာ မေမေ့ရင်ခွင်ထဲမှာ ခိုနားနေတဲ့
သားလိမ္မာလေးဖြစ်နေလိမ့်မယ်
တစ်နေ့နေ့ပေါ့ မေမေရေ...
ဆုတောင်းခြင်းများ
မေမေ့ရဲ့ မေတ္တာဖြင့် ပြည့်ပါစေသား
မစခင်ကတည်းက
အလွဲကြီးလွဲပြီး ဇာတ်သိမ်းသွားပါပြီ
ဆိုတော့
ဒီကဗျာကို ဆက်ဖတ်ဖို့ မလိုတော့ပါ။
လမ်းဘေးယဉ်ကျေးမှု
စကားကြီးစကားကျယ်
တယုတယ ထမ်းထားတဲ့ အယူအဆအလွဲ
မင်းကိုသိစေချင်တယ် ညီလေးရေ...
ဆန့်ကျင်တဲ့အတွေးအခေါ်တိုင်း ဖောက်ထွက်တဲ့အတွေးအခေါ် မဟုတ်ဘူး
တစ်ခါတစ်လေ ဘေးဘီကို လှည့်လှည့်ကြည့်ပါဦး
မင်းကတော့ လက်ဖက်ရည်ဆိုင်ထိုင်နိုင်မယ်
ဘီယာဆိုင် ထိုင်နိုင်မယ်
အဲဒါနဲ့ပဲ အယူအဆအလွဲကြီးကို ကောက်မထမ်းလိုက်ပါနဲ့
အချို့ဆို လမ်းဘေးပလက်ဖောင်းပေါ်မှာတောင် မထိုင်နိုင်ဘူး
ငါတို့ ဦးနှောက်တွေ စနစ်တကျ အဖျက်ဆီးခံနေရတာပါ
ငါတို့ အလျင်အမြန် ပြန်တည်ဆောက်ရမယ်
ဒါပေမယ့်
အဆိပ်ခတ်တဲ့လက်ကိုမှ ပြေးနမ်းတဲ့ မင်း
မင်းနဲ့ငါ၊ ငါနဲ့မင်း - လှလှပပကြီး ကွဲကြလေသတည်းပေါ့
မတူညီမှုတွေရှိမှ ညီမျှခြင်းတွေ တန်ဖိုးတက်ခဲ့
ဆန့်ကျင်ဘက်ထဲ ငါတို့တွေကို ကြဲချလိုက်ပေါ့
မစခင်တည်းက လွဲခဲ့ကြတယ်။
ထမင်းတစ်လုပ်ဝါးမိတိုင်း
ဆာလောင်မွတ်သိပ်နေတဲ့ ချို့တဲ့ပါးစပ်တွေကို သတိရတယ်
ဇိမ်ကျကျအိပ်ရာပေါ် အိပ်လိုက်တိုင်း
တမံတလင်းပေါ်က ကျောတွေကို အားနားမိတယ်
ပြောချင်တာ လွတ်ခနဲ ပြောလိုက်တိုင်း
ပြောခွင့်မရှိတဲ့ ပါးစပ်တွေအတွက် နာကျည်းမိတယ်
ကြည့်ချင်တာတွေ ကြည့်ခွင့်မရှိတဲ့ မျက်လုံးတွေအတွက်
တစ်ခုခုတော့ လုပ်ပေးချင်တယ်
ဒီဇာတ်လမ်းမှာ
အတ္တက မင်းသား၊ ငါက ဗီလိန်ပါ။
အတ္တထိုးသမျှ ကြိတ်သမျှ ငါ့မှာ နဖူးကွဲ ဒူးပြဲ။
အတ္တ ချည်နှောင်သမျှ ငါ့မှာ မလှုပ်သာ မလူးသာ။
အသုံးကျတာ တစ်ခုမှ မလုပ်ခြင်းတွေ ပိုင်ဆိုင်ပါတယ်။
ကျွန်တော်ဟာ အရှက်နဲခဲ့ပါတယ် ဖေဖေ။
နွေဦးရေ
သက်ပြင်းတွေနဲ့ မျောချနေရတဲ့ ငါ့ရဲ့စိတ်တွေမှာ
မင်းပေးတဲ့ မီးတောက်တစ်ခုဆီကိုင်လို့
အရူးသွေးထန်နေတဲ့ ကမ္ဘာမြေကို ချစ်စိတ်နဲ့ ငါငေးနေမိရဲ့
ခေတ်ကိုက အကောင်းမြင်ဝါဒီလုပ်မရတဲ့ ခေတ်လေ
နာမည်ပျက်လေ ဂုဏ်တက်လေဆိုသူလဲ ရှိရဲ့
သူများမျှော်လင့်ချက်ကို ခူးခပ်စားသောက်သူလဲ ရှိရဲ့
ဝေဒနာပြင်းပြင်း ဒဏ်ရာပေါ်ကို ဓားနဲ့ခုတ်ချသူလဲ ရှိရဲ့
ပြောကြကြေးဆိုရင် ဆေးခါးကြီးတစ်ခွက်ပါပဲ
ကြက်ခြေခတ်တွေနဲ့ စွေ့စွေ့နီလို့
သွေးဆာနေတဲ့ နာရီတွေက အသက်ပါအောင်ကို ရှ တယ်။
ချစ်စိတ်ကြောင့်ပါပဲလေ
ခေါင်းအခါခါ ခါမိ၊ သက်ပြင်းအခါခါ ချမိတာ
ချစ်စိတ်ကြောင့်ပါပဲ
ဒီလူတွေ ဆိုးယုတ်သမျှ ငါ့ရင်ဘတ်မှာ ဒဏ်ရာနက်နက်ကြီးတွေ ဖြစ်ဖြစ်သွားတာ
ဒီချစ်စိတ်ကြောင့်ပါပဲလေ
မနေနိုင်မထိုင်နိုင် ဒီကဗျာကို ရေးနေမိတာပေါ့
နွေဦးရေ...
ငါတို့ကမ္ဘာမြေ ...ဒီကျိန်စာကပျယ်ဖို့
သွေးတွေ ဘယ်လောက်များများ ကုန်ဦးမှာလဲကွာ?
နေ့ရက်တွေ တစ်ရက်ပြီးတစ်ရက်ဖြတ်သွား
ဒီဇင်ဘာတွေ ကြွေကုန်ပြီ ဒီဇင်ဘာရေ
ငါကတော့ ဒဏ်ရာရ ကြောင်တစ်ကောင်လို အခန်းအောင်း
ငါချွန်ခဲ့တဲ့ မြှားတွေလည်း တုံးခဲ့ပေါ့
စိတ်တွေလေတယ်
အတွေးတွေလေတယ်
ထုံးထိုင်းမှုတွေက အစွန်းရောက်အောင်ကို ချွန်ထက်ပြ
ဘဝက စိတ်ပျက်ခြင်းတွေ ထူးထူးချွန်ချွန်
ဒီဇင်ဘာက ပြက္ခဒိန်ပေါ်ကနေ ငါ့ကို ပေစောင်းစောင်းကြည့်တယ်
ဟုတ်ပါ့… ငါကလည်း အမှတ်တမဲ့ မေ့နေတယ်
ရာသီဥတုကိုက သတိမမှုမိအောင် ပါးပါးလျလျပဲ ရွေ့သွားနေပေါ့
အံကျလာတဲ့ ခြောက်ကပ်ကပ်အအေးဓာတ်
ရုတ်တရက်ထိတွေ့လိုက်ရတော့မှ ငါလန့်သွားတယ် ဒီဇင်ဘာ
ဖြည်းဖြည်းအေးဆေးပေါ့…
အခုတော့ မင်းက ၀ိဥာည်တစ်ကောင်လိုပဲ သိပ်ခြောက်လန့်တယ်
ငါမင်းကို ရပ်ပြီး ကြည့်ရှုခံစား မနေနိုင်ဘူး ဒီဇင်ဘာ
မနှစ်ကလို ငါမင်းကို ကြိုဆိုမှာမဟုတ်ဘူး
မနှစ်က ဒီဇင်ဘာနဲ့ ဒီနှစ် ဒီဇင်ဘာ
ငါက ပိုပြီး အဆိုးမြင်လာတယ်
ငါက ပိုပြီး အရိုင်းဆန်လာတယ်
မင်းက ထုံးစံအတိုင်း ဖျားနာမှုကို ဆောင်ကြည်းတယ်
ငါကလည်း ထုံးစံအတိုင်း နှာစေးတယ်
အဲဒီယဉ်ကျေးမှုကလွဲရင် … ကျန်တာတွေ
ကွာတယ် … အပုံကြီးကွာသွားတယ်
ငါတို့မှာ အားထားစရာ သစ်ပင်တွေ သိပ်ရှားသွားပြီ
နေကလည်း အညာအတာမဲ့ အပူကြီးပူနေပြီ
ငါတို့ သိပ်အလုပ်များနေတယ် ဒီဇင်ဘာ
မင်းဟာ အခြားလူတွေလိုပဲ ဖြတ်သွားဖြတ်လာ
ဒီထက် အခွင့်အရေး ပိုမရဘူး
အကွာကြီးကွာတဲ့ထဲမှာ ငါ့ရဲ့ နူးညံမှုတွေလည်း မာထန်ကုန်ပြီဆိုတာ
မင်းအခုတွေ့ရပြီ
ထားလိုက်တော့ .. ခွင့်လွတ်ဖို့ ငါ မတောင်းဆိုဘူး
ခပ်ရင့်ရင့်ဆိုပေမယ့် ခပ်နုနုလေး ခဏလောက် မင်းကို ငေးမောမိတာပါ ဒီဇင်ဘာရယ်
ဒီထက်ဘာမှ မပိုပါဘူး
အခု ငါတို့ သိပ်အလုပ်များနေတယ်
အခု ငါတို့မှာ လုပ်စရာတွေ အများကြီးကျန်သေးတယ်
ဟုတ်ကဲ့ … အခုလိုတွေ့ရတာ ၀မ်းသာပါတယ်
ဒါပေမယ့် ကောင်းသောညပါ ဒီဇင်ဘာ…။ ။
ရာသီဥတု မကောင်းလို့
ငါတို့ အိမ်ထဲက အိမ်ပြင်တောင် မထွက်ဖြစ်ဘူး
ငါ့ဦးနှောက်တွေလဲ အေးခဲလို့
ငါ့ရဲ့ကဗျာတွေ ဘာဖြစ်သွားလဲ ဘယ်မှာလဲ
သက်ပြင်းငွေ့ငွေ့နဲ့
အရူးတစ်ပိုင်း၊ အရူးနှစ်ပိုင်း
တစ်လုံးမှ မူးမယ်ဆိုလဲ တစ်လုံးချကွာ
ငါကတော့ မသောက်ဘဲ ချာချာလည်တဲ့ကမ္ဘာမှာ
အမုန်းတွေ မရှိသင့်ဘူးဆိုတာကို ဟားတိုက်မယ်
လာရိတဲ့ သူငယ်ချင်းကို ပယ်ပယ်နယ်နယ် ဆဲမယ်
ဆင်ခြင်တုံတရားနဲ့ အိမ်ကိုလွမ်းမယ်
လေဒီဂါးဂါးနဲ့ ရှက်ကီရာကို သောက်မြင်ကပ်မယ်
ကိုယ်ဖက်ကို ကိုယ်ယက်ဖို့ ငါတို့မှာ ခြေနှစ်ဖက် လက်နှစ်ဖက်နဲ့
နှစ်ဖက်ရှတတ်တဲ့ မာနတွေနဲ့
ဘ၀ကို ခုတ်ထစ်ဖြတ်ပိုင်းပြီး တစ်ပိုင်းချင်းဆီ မဝေငှနိုင်ဘူး
မကျေနပ် လေဖြတ်ပေါ့
ဘ၀တွေက အခြားကြီး
ကိုယ့်အပူ သူ့အပူ ဘာလို့ အကူးဆက်ခံမလဲဗျာ
နေသာသလိုနေ ... ထမ်းမထားနဲ့ တဲ့
ဟုတ်ကဲ့
နေသာသလိုနေပါတယ်... ထမ်းမထားပါဘူး
သွေးကြောထဲ စီးဆင်းနေတဲ့ အပ်လိုပဲ
ဘယ်အချိန် နှလုံးသားကို ထိုးဆိုက်မလဲ
ဆိုက်ဆိုက်မြိုက်မြိုက်
ရာသီဥတုမကောင်းလို့ပါ
ဒီကဗျာကြောင့် ခေါင်းကိုက်သွားတယ်ဆိုလဲ
ခွင့်လွတ်ပါ သူငယ်ချင်းတို့
ကိုယ့်အပူ သူ့အပူ ဘာလို့ အကူးဆက်ခံမလဲဗျ... နော်
ဘယ်တော့မှ မရပ်တဲ့ ရထားတစ်စင်းပေါ်မှာ
ငါတို့အားလုံး စီးနင်းလိုက်ပါခဲ့ကြသလိုမျိုး
ကြွင်းကျန်ရစ်ခဲ့တဲ့ ဘူတာတွေ
မကျေနပ်စရာအကြောင်းမရှိပါဘူး
ငါ့ကို ထိုးနေခဲ့ကြတဲ့ လက်ညိုးတွေအတွက်
ဒုက္ခမှာ မပျော်ပိုက်ရင် ဘ၀ဟာ ခြောက်ကပ်နေမှာပေါ့
ဒိုင်ယာရီတွေ မကောင်းဆိုးဝါးပူးကပ်လို့
တကယ့်တော့ အမေရယ်
ကျွန်တော် ခဏခဏ
စိတ်ကူးယဉ်ကြည့်ဖူးတဲ့ ကောင်းကင်ကြီးကိုယ်တိုင်ကိုက
ကျွန်တော့်အပေါ်မှာ
(မညာမတာ) မှောင်မိုက်ခဲ့ဖူးတာပါဗျာ။
ငါ့စိတ် အကိုင်းအဖျားလေးပေါ် ရန်ကုန်မြို့ကြီးလာနားတော့
သတိရစိတ်တွေ ကွေးညွှတ်
ငါ့တနင်္ဂနွေတွေ မိုးအုံးခဲ့ပြန်တယ်
မြို့ထဲလမ်းမတွေက အမှတ်တရ သိမ်းထုတ်ထားဖို့ ရှည်လျား
မိုးရေထဲ လ်ိမ်လိမ်မာမာလေး နှစ်မြုပ်နေမယ့် မြို့ကြီးပေါ့
ငါ့ရဲ့ အိမ်လွမ်းနာမှာ မင်းက ဒဏ်ရာအစစ်ပါ ရန်ကုန်
လက်ရှိပြေးလမ်းနဲ့ တသားတည်းဆိုပေမယ့်
အလွမ်းတွေက ထိုးထိုးထောင်ထောင်ရယ်ပါ
ရန်ကုန်ရေ... မင်းဆီမှာ ကျန်ခဲ့တဲ့ ငါ့အိမ်မက်တွေ
တစ်နေ့တော့ ငါပြန်လာယူမယ်
အခုတော့
ပန်းဆိုးတန်း၊ အနော်ရထာ၊ ၂၆လမ်းတွေပေါ်
လမ်းတွေလျှောက်နေချင်တယ်
ငါ့စိတ်ကလေးပဲ လွှတ်လိုက်ပါရဲ့ ရန်ကုန်ရယ်
နောက်မှ တွေ့မယ်။
ညက နာကျင်ခြင်းနဲ့ပေါင်းဖက်
ကျွန်တော့်ရဲ့ မရှိခြင်းတွေ အလင်းဆုံးအချိန်လေ
ဒုက္ခတွေ လတ်လတ်ဆတ်ဆတ်ကို လှပါရဲ့
လောကဓံရေ- ခင်ဗျားက အငြိမ်မနေတဲ့ ဆူးပဲ -
ကျွန်တော့် နှလုံးသားထဲမှာ- နက်နက်ရှိုင်းရှိုင်း
ဒီလိုဆိုတော့ အနာဂတ်လည်း အဓိပ္ပာယ် မရှိဘူး
ရှိစုမဲ့စု အိပ်မက်အကျိုးအကြေလေးတွေလည်း အဓိပ္ပာယ်မရှိဘူး
မီးကျိုးမောင်းပျက်နာရီတွေသာ ကြီးထွား
သေရာပါဒဏ်ရာနဲ့ ညတွေ ချည်းပဲ
ထားတော့
အမေ့လျော့ခံ လမ်းမတွေအတွက် ဖြေဆည်ရာ မျက်ရည်မရှိ
အချန်လှပ်ခံမျှော်လင့်ချက်တွေထဲလည်း တစ္ဆေမကြောက်ကျားမကြောက်ပါပဲ
လမ်းတူတယ်ဆိုကြပေမယ့်လည်း ကျွန်တော်တစ်ယောက်တည်း
အမှောင်ထဲ
အထီးကျန်
ခြေရာတွေ မထင်ကျန်စေချင်တော့ဘူး။
ဟေ့လူ
ခင်ဗျားအဖြစ်က သနားစရာ
ကိုယ့်နောက်ကျောမှာဘယ်သူရှိသလဲ ခဏခဏလှည့်လှည့်ကြည့်
အဲဒီလောက်ဖြစ်နေရင် နောက်ပြန် လမ်းလျှောက်ပါလား
အခုတော့ ခင်ဗျားက ကြက်ကြီးလည်လိမ်
ဟေ့လူ
ကိုယ့်မျက်ချေး ကိုယ်မြင်မှာစိုးလို့ မှန်တောင်မကြည့်ဘူးတဲ့လား
ဘယ်လိုဘ၀ပေးမျိုးနဲ့ ရတဲ့ ရွှေဥာဏ်တော်ပါလဲနော်
ပုတ်ပုတ်သိုးသိုးနဲ့ ခင်ဗျားရုပ်ကို ရွှေချထားပါလား
ကျွန်တော်တို့မှာ ရယ်ချင်ပက်ကျိ
ဟေ့လူ
ငရဲပြည်ထိ အခေါ်ခံရမှာစိုးလို့
ဓာတ်လှေခါးတောင် သတိလက်လွတ်မစီးဘူးဆို
ဖြစ်နေလိုက်တာပြောပါတယ်
ကိုယ့်အကုသိုလ်ကို ကိုယ် အတော်စိတ်ချ
လိပ်ပြာလေးကိုတောင် လှန့်နေပြီလားဗျာ
ဟေ့လူ
လာမယ်ဆိုရင်
အပြစ်တွေ ပြောင်အောင်ဆေးခဲ့
ကိုယ့်နောက်ကျောကို လုံအောင်ဖုံးခဲ့
ရိုးသားမှုကို ကျောပိုးခဲ့
နောက်ဆို
ကျွန်တော်တို့ မျက်လုံးဒဏ်တွေအောက်မှာ
ခင်ဗျား သေတာထက်ဆိုးသွားလိမ့်မယ်။
အိမ်မက်တွေ တောင်လိုရာလိုပုံ
ယုံကြည်ခြင်းတွေ မခမ်းနားတော့ဘူး
ဖြစ်ပျက်သမျှရပ်ငေးနေဖို့ ငါကိုက တတ်နိုင်လွန်းတယ်
ဆင်ခြင်တုံတရားလည်း ချွန်းမအုပ်နိုင်ဘူး
စဉ်းစားဥာဏ်မရှိဘူးလားဆိုတော့လည်း မဟုတ်ဘူး
ဒီနေရာမှာပဲ ရပ်တန်းက ရပ်ရင်ကောင်းမယ်နော်
လုပ်စရာရှိတာ ဆက်လုပ်ဖို့
နာရီတွေ ခပ်မြန်မြန်လည်
ထုံအမှုနဲ့ စီးဆင်း
ခပ်မြန်မြန် ... ခပ်မြန်မြန်
အလွန်လျှင်မြန်စွာ
အခုမှ စနစ်တကျ ချော်လဲတယ်ဆိုတာ
ရှိတဲ့ထမင်းနဲနဲလေးကိုပဲ အများကြီးရှိသလိုအကြာကြီးစားတယ်
ဗိုက်ကလေး မ၀တ၀ကိုပဲ အ၀ကြီးဖြစ်နေသလို ရေသောက်တယ်
ဆရာပြောသမျှ တစ်စွန်းတစ်စကြားပြီး သိသလိုလို ခေါင်းညိမ့်တယ်
တစ်လုံးမှနားမလည်တဲ့စာတွေကို နားလည်သလိုခပ်တည်တည်ကျော်ဖတ်တယ်
ဖြစ်နေပုံများပြောပါတယ်
မိုးရွာနေတာသိရက်နဲ့ ထီးမဆောင်းဘူး
ဖိနပ်ထဲက ခဲလုံး၊ များများနင်းပေးရုံနဲ့ ထွက်မသွားဘူး
မေမေရေ...
ဒီနေ့ကျွန်တော် ကိုယ့်ကိုကိုယ် အမှန်ပြောဖို့ ဘာကြောင့်များခက်နေရပါလိမ့်။
ဒုက္ခကိုမှ အလှဆင်လွယ်ပြီး
အားလုံးအဆင်ပြေပါတယ် ပြောမိတယ်လေ။
မှတ် မှတ် ရ ရ
သူငယ်ချင်းရေ
မနက်ဖြန် ဆိုတာ ငါတို့မပိုင်သေးတဲ့အရာတစ်ခု
ဒီနေ့ဆိုတာလဲမရေ ရာခြင်းများစွာနဲ့
ပြီးသွားတဲ့ မနေ့ကတွေကလဲ မှုန်ဝါးဝါးနဲ့
ပြန်တွေ ကြည့် တော့ လဲ ဘာရယ်မှမဟုတ်ပါဘူးကွာ
ငါတို့ရင်ဘတ်တွေ အခိုးခံ ခဲ့ရတယ်
ငါတို့ကြည်ဖြူစွာနဲ့ဘဲ လက်ပိုက်ကြည့်နေခဲ့တယ်
လိုမှမလိုအပ်ဘဲကွာ..ကလေးတွေလိုအော်မနေတော့ပါဘူး
တစ်ချိန်ကြတော့လည်း လူကြိးဘ၀ စားမြုံ ပြန်စရာပေ့ါ...
ငါဆိုခဲ့သလိုဘဲ
ဘာမှလဲတွေးမထားချင် သလို
ဘာမှလဲမစဉ်းစားထားဘူး
လက်ရှိ အတိုင်းဘဲ
ဝါကျ တစ်ကြောင်းကို အနှောင်အဖွဲ့ကင်းကင်းနဲ့
အဓိပ္ပါယ်ရှိရှိ ဆက်ရေးကြတာပေါ့.....
နှစ်နှစ်ဆိုတာ ဘာမှ မကြာဘူး
ဒီနေ့ဆိုတာက ကြာတယ်
အများကြီးပြောင်းလဲမသွားဘူး ဒီနေရာမှာပဲ ရပ်နေခဲ့တာ
မေးခွန်းတွေ အဖက်ဖက်က ထိုးနှက်
ဒဏ်ရာပေါ် ဒဏ်ရာဖြတ်
ရိုးသားမှုကို အစမ်းသပ်ခံဖို့ ငါတို့ရဲရင့်ခဲ့ကြတာ
ဒီနေရာမှာပဲ ငါတို့ နှလုံးသွေးတွေ မြုပ်နှံခဲ့တယ်
တူးဖော်ကြည့်ကြ
ဒီနေရာမှာပဲ ငါတို့ ခံစားချက်တွေ လေဟုန်စီးခဲ့
ဒီနေရာမှာပဲ လွတ်လပ်မှုကို ရှာဖွေ မြတ်နိုးခဲ့
အများကြီးမဟုတ်ရင်တောင် အထိုက်အလျှောက်တော့ ပေးဆပ်ခဲ့ချင်တာပါ
ရှားပါးလာတဲ့အချိန်တွေနဲ့ ရင်းပြီးလေ
မနှစ်က လက်ရုံးပြောခဲ့သလိုပဲ
ဒုက္ခတွေ ဘယ်လောက်ပဲထက်မြနေပါစေ
ရင်ခုန်သံတွေ လတ်ဆတ်နေသရွှေ့
ငါတို့စာမျက်နှာတွေ ရှိနေဦးမယ်
အသေအချာပါပဲ။
© Blogger template Simple n' Sweet by Ourblogtemplates.com 2009
Back to TOP
