သူစိမ်း
>> Sunday, September 9, 2007
စာရွက်အလွတ်ပေါ်မှာ
ငါ … မျက်လုံးပုံ ဆွဲမိတယ်
အဲဒီ မျက်လုံးက
ငါ ဘာလုပ်လုပ် သံသယနဲ့ စောင့်ကြည့်နေတော့တယ်။
စာရွက်အလွတ်ပေါ်မှာ
ငါ … ပါးစပ်ပုံ ထပ်ဆွဲမိပြန်တယ်
အဲဒီ ပါးစပ်က
ငါ ဘာလုပ်လုပ် အပြစ်ပြောနေတော့တာပဲ။
ဘယ်လို ရှောင်ပုန်းဖို့ ကြိုးစားကြိုးစား
ငါ ပိတ်မိနေတဲ့ ၀င်္ကဘာက ဟင်းလင်းပြင်
ငါ ဖုံးကွယ်ထားတဲ့ ကောင်းကင်က မိုးရွာ
ငါ့ နှောင်ကြိုးကို ငါ မဖြည်နိုင်ဘူး
နောက်ဆုံး …
ငါ … မျက်လုံးပုံကို ဖျက်ပစ်လိုက်တယ် !!!
ငါ … ပါးစပ်ပုံကို ခြစ်ပစ်လိုက်တယ် !!!
ငါ ဘာမှ မမြင်ရတော့ဘူး
ငါ ဘာမှ မပြောနိုင်တော့ဘူး …။ ။
0 comments:
Post a Comment